Оо, дохсун санаа аргыстара... (Варвара Потапова)

Бикитиэкэ диэн сиртэн ылыллыбыт
←[[]] Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]
Таптыыбын эйигин, таптыыбын!..




Оо, дохсун санаа аргыстара,

Хорсун ыра кынаттара,

Мин хаҥыл сылгыларым,

Мин үргүүк лыахтарым,

Мин ирдиир тылларым,

Сирдиин ситимниир кылларым,

Эhиги миигин биэрдигит

Хахсаат тымныы дьыбарыгар,

Эhиги миигин сиэттигит

Куйаас төлөн кутаатыгар.

Буоллар буоллун.

Баҕам дьэ туоллун,

Дьыбартан мин титириим,

Куйаастан мин тиритиим.

Күүhүм эрэ көhүйбэтин,

өйүм эрэ бөhүйбэтин,

Эрэнэбин: мин санныбар

Сүгэ сылдьар сарсыҥҥыбар,

Уонна - бар дьоҥҥо тапталбар,

Барыны кыайыах аналбар.