Кыыс хатыҥ (Есенин; Сайа)
Кыыс хатыҥ
Кылбаа маҥан кыыс хатыҥ
Турар түннүк анныгар,
Үрүҥ көмүс хаар хаһыҥ
Күлүмүрдүүр санныгар.
Хаардаах намчы лабаалар
Нуоҕайдара буоланнар
Намылыһан түспүттэр
Маҥан хаар бытырыыстар.
Оннук турар кыыс хатыҥ
Уу чуумпуга нуурайан,
Кыһыл көмүс уот кыымын
Кыырпах хаарга оонньотон.
Онтон күн аат харата
Хатыҥ тула эргийэр,
Хаардаах намчы лабааҕа
Хаттаан көмүһү ыһар.