Былыр оҕонньордоох эмээхсин бааллара үһү. Оҕонньор тууһут идэлээҕэ үһү.
Биир киэһэ оҕонньор, туутун кэрийэн, балай да элбэх балыгы аҕалбыт. Эмээхсин оҕонньор бултаан аҕалбыт булдун булкуйа олордоҕуна, биир мааны ыалдьыт көтөн түспүт. Бэрт ыраахтан иһэр киһи эбит. Балай да өр кэпсэппэхтээн баран, оҕонньор эмээхсинигэр билэр киһи билэр, билбэт киһи өйдөөбөт тылынан бу курдук эппит:
"Мундууруйа солууруйа буһаарыйа, собооруйа хоспооруйа кистээрийэ".
Ону ыалдьыттара бастаан өйдөөбөтөх, ол икки ардыгар оҕонньор кэпсээнинэн аралдьытан кээспит. Эмээхсин соботун талан хоспоххо таһаарбыт, мундутун буһарбыт. Мунду эрэ буспутун көрөн, ыалдьыт баарыҥҥы кистэлэн кэпсэтии хоһоонун сэрэйбит. Ол сэрэйэн, кэлэйэн, аһаабакка барбыт. Оҕонньордоох эмээхсин мундуларын, соболорун бэйэлэрэ мээтиргэтэн кээспиттэр.
Онтон ыла оҕонньор бултуур булда төннүбүт, кэччэгэй быһыыларыттан олохторо кэхтибит үһү
