Олох туьунан (Сабыйа)

Бикитиэкэ диэн сиртэн ылыллыбыт

Олох туһунан

Билэбит,олох диэн дабайыы,

Инниттэн иннигэр хардыы,

Куруук инники талаһыы,

Өрүү үрдүккэ харбаһыы.

    Ордук орто омурҕаҥҥа дылы

Наар үөһэттэн үөһэ тахсыы-

Көлөһүнү тоҕо, барыы,

Инники дьулуһан барыы.

Оччолорго, эдэр сааска,

Үөһэ эрэ дьулуһарга,

Үрдүккэ эрэ ыттарга

Олоҕу саҕалыыр оҕолорго,

Арыт салгыы олорорго

Ыарахан буолара сорохторго.

Онон да буолуо, арааһа,

Күн да бүппэтэ,уһуна.

Ол да иһин күүттэххэ

Оҕо,эдэр эрдэххэ

Улаатары кэтэстэххэ,

Кэтэһэриҥ кэлэн биэрбэт,

Күүтэр күнүҥ үүнэн испэт-

Олох устара бытааннык,

Тиэтэйбэккэ, дьоһуннаахтык.

Оннук буолар эбит,доҕор,

Орто омурҕаҥҥар дылы.
 
      Олох орто омурҕаныттан 
Ылбыт үрдэлгиттэн төннүү,

Төптөрү анньыныы,түһүү,

Онно бүдүрүйэ түһэ-түһэ

Аллараа диэки сүүрүү.

Оннук даҕаны үтүрүһэ

Атара сэлиинэн күннэриҥ,

Баҕарбатаргын да тиэтэллик,

Ааһан иһэллэр итинник

Сүүрүк аттыы түргэнник

Кэлин өттүҥ уһуу,

Илин өттүҥ кылгыы

Анал биэтэккэр дылы...

       Ыксаа,тиэтэй эн,сэгэр,

Сиппэтэххин ситэргэ,

Ситэрбэтэххин ситэрэргэ,

Оҥорботоххун оҥорорго,

Толорботоххун толорорго.

      Олох оннук дьиктилээх,

Уһун,кылгас күннэрдээх,

Уһуур,кылгыыр кэмнэрдээх. 05.12.13.