Сайдар саҕаххыт арылыннын (Алексей Суола)

Бикитиэкэ диэн сиртэн ылыллыбыт
Перейти к навигации Перейти к поиску

Yстээх-түөртээх оҕолорум,
Кинигэ ааҕа олороллор.
Дьоһун баҕайытык туттан,
Омуктуу субуруталлар.

Омук араас тылларын,
Кус-хаас хойдор саҥатын,
Өйдөөбөтөрбүн даҕаны
Испэр үөрэ истэбин.

Ити курдук баҕар бастаан,
Ааҕар баҕаҕыт тилиннин,
Кинигэҕэ тапталгыт улааттын,
Сайдар саҕаххыт арылыннын.