Со5отох буолума. (Сабыйа)

Соҕотох буолума

Соҕотохсуйуу ыарык тааһа

Баттыы сылдьара ыараханын

Тулуйбат эбээт сорох дууһа,

Билэбин онтон муунтуйарын.

      Сарсыарда ороҥҥор уһуктуоҥ,

      Соҕотох чааскыгар чаай куттуоҥ,

       Муус тэлэбиисэр доҕордонуоҥ,

       Күннүктээн да оннук хохоллуоҥ.

Киэһэтин ууҥ көтөн муҥнаныаҥ,

Арааһы барытын ырытыаҥ,

Урукку ааспыты эргитэн,

Туох эрэ үтүөнү түстэнэн.

       Син дьэбин тимири сииринии

       Сүрэххин аалларыаҥ эрбиилии,

       Дьүдэйэн буомуруоҥ эрдэттэн

       Аҥардас сорсуйар эрэйтэн.

Доҕордоох дьоннору биллэххэ

Мичээртэн сыдьаайа сырдыыллар,

Тэһийбэт накааһын билбэккэ

Көтүөхтүү кынаттаах сылдьаллар.

      Соҕотохсуйуу таас ыарыгын,

      Доҕоттор, билимэҥ баттыгын,

      Ханыыны,тэҥнээҕи булунан

      Олоруҥ дьоллонон, астынан.       04.12.13.