Ырыа ыһыаҕа (Алексей Суола)

Бикитиэкэ диэн сиртэн ылыллыбыт
Перейти к навигации Перейти к поиску

Ыччатым ыһыаҕар сырыттым,
Ырыаны, хоһоону иһиттим.
Дэгэрэҥ үөрүүнү битийэн,
Көрүгэр-нарыгар кыттыстым.

Элэккэй мичээрдээх сирэйдэр,
Ыпсыбат уостаахтар – эдэрдэр
Оһуокай бэрдигэр тэйэллэр,
Оонньулар, дьиэрэтэ ыллыыллар.

О, саха ырыата барахсан
Истиэххэ нарыҥҥын даҕаны,
Сахабыт сирин киэҥ дуолун
Көрөргө дылыбын эйиэхэ.

Ол ырыа ыҺыаҕар сылдьаммын,
Көрүгэр-нарыгар кыттаммын,
Үгүстэн үөрдүм мин, дьэгдьийдим,
Тапталга, сырдыкка таластым.