9 глава. Быыбар системата
79 ыстатыйа. Народнай депутаттар быыбардара, бары бүттүүн, тэҥ уонна судургу быыбардыыр быраапка олоҕуран, кистэлэн куоластааһынынан биирдии мандааттаах быыбардыыр уокуруктарынан ыытыллаллар.
80 ыстатыйа. Народнай депутаттар быыбардара бары бүттүүн буолаллар: Саха АССР 18 саастарын сиппит гражданнара быыбардыыр уонна быыбарданар бырааптаахтар.
Саха АССР гражданина биир кэмҥэ народнай депутаттар икки Советтарыттан ордукка народнай депутат буолуо суохтаах.
Саха АССР Министрдэрин Советын, народнай депутаттар олохтоох Советтарын ситэриилээх комитеттарын састааптарыгар киирэр дьон, ити органнар председателлэриттэн уратылара, ведомстволар, отделлар уонна олохтоох Советтар ситэриилээх комитеттарын управлениеларын салайааччылара, судьуйалар уонна государственнай арбитрдар ананар эбэтэр талыллар Советтарыгар депутаттарынан буолуо суохтаахтар.
Быыбардарга суутунан иирбиттэринэн ааҕыллар өйүнэн ыалдьар дьон, суут уураабынан эбэтэр прокурор санкциятынан көҥүллэрэ быстыбыт дьон олорор сирдэригэр, ону тэҥэ суут уурааҕынан кыһайан эмтэтии сирдэригэр баар дьон кыттыбаттар.
81 ыстатыйа. Народнай депутаттар быыбардара тэҥ буолар: хас биирдии быыбардыыр уокурукка быыбардааччы биир куоластаах. Быыбардааччылар быыбарга тэҥҥэ кытталлар.
82 ыстатыйа. Народнай депутаттар быыбардара судургу буолар: народнай депутаттары гражданнар быһаччы быыбардыыллар.
83 ыстатыйа. Народнай депутаттар быыбардарыгар куоластааһын кистэлэн буолар: куолаһы биэриигэ хонтуруол көҥүллэммэт.
84 ыстатыйа. Быыбардыыр уокуруктарынан народнай депутаттарга кандидаттары туруорууга быраап үлэ коллективтарыгар, общественнай тэрилтэлэргэ, аналлаах орто уонна үрдүк үөрэх заведениеларын коллективтарыгар, быыбардааччылар олорор сирдэринэн уонна байыаннай сулууспалаахтар воинскай частарынан ыытыллар мунньахтарыгар бэриллэр.
Народнай депутаттарга кандидаттар ахсааннара
