риллибит дьыала туһугар эппиэттээһинин кытта дьүөрэлиир.
4 ыстатыйа. Советскай государство, кини бары органнара социалистическай сокуоннаска олоҕуран үлэлииллэр, правопорядогы, общество интэриэстэрин, гражданнар бырааптарын уонна көҥүллэрин харыстааһыны хааччыйаллар.
Государственнай уонна общественнай тэрилтэлэр, дуоһунастаах дьоннор ССРС Конституциятын, РСФСР Конституциятын уонна Саха АССР Конституциятын, советскай сокуоннары тутуһар эбээһинэстээхтэр.
5 ыстатыйа. Государство олоҕун саамай суолталаах боппуруостара норуот бүттүүнүн дьүүллэһиитигэр таһаарыллаллар, ону тэҥэ норуот бүттүүнүн куоластааһыныгар (референдумна) туруоруллаллар.
6 ыстатыйа. Советскай общество салайар уонна сурүннүүр күүһүнэн, кини политическай систематын, государственнай уонна общественнай тэрилтэлэрин ядроларынан Советскай Союз Коммунистическай партията буолар. ССКП норуот туһугар тэриллэн үлэлиир, норуокка сулууспалыыр.
Марксистскай-ленинскэй үөрэҕинэн сэбилэммит Коммунистическай партия общество сайдыытын генеральнай тосхолун, ССРС ис уонна тас политикатын сүнньүн быһаарар, советскай норуот улуу айар-тутар үлэтин салайар, кини коммунизм кыайыытын туһугар охсуһуутун былааннаах, научнай тирэхтээх онорор.
Бары партийнай тэрилтэлэр ССРС Конституциятын иһинэн үлэлииллэр.
7 ыстатыйа. Профессиональнай союзтар, Ыччат Бүтүн Союзтааҕы Ленинскэй Коммунистическай Союһа, кооперативнай уонна да атын общественнай тэрилтэлэр, устааптарыгар көрүллүбүт соруктарыгар сөн түбэһиннэрэн, государственнай уонна общественнай дьыалалары салайыыга, политическай, хаһаайыстыбаннай уонна социальнай-культурнай боппуруостары быһаарыыга кытталлар.
8 ыстатыйа. Үлэһит коллективтар государственнай уонна общественнай дьыалалары дьүүллэһиигэ уонна быһаарыыга, производствоны уонна социальнай сайдыыны былааннааһыгға, кадрдары бэлэмнээһиннэ уонна аттаран туруорууга, предприятиелары уонна учреждениелары салайыы, үлэ уонна олох-дьаһах усулуобуйаларын тупсарыы, производствоны сайыннарыы, ону тэҥэ
