социальнай-культурнай дьаһалларга уонна материальнай көҕүлээһиҥҥэ уонна быһаарыыга кытталлар.
Үлэһит коллективтар социалистическай куоталаһыыны сайыннараллар, үлэ бастыҥ ньымаларын тарҕатыыга, үлэ дьиссипилиинэтин бөҕөргөтүүгэ көмөлөһөллөр, бэйэлэрин чилиэннэрин коммунистическай сиэр-майгы тыыныгар иитэллэр, кинилэр политическай сознательностарын, культураларын уонна проффессиональнай билиилэрин-көрүүлэрин үрдэтэргэ кыһаналлар.
9 ыстатыйа. Советскай общество политическай систематын сайдыытын сүрүн туһаайыытынан социалистическай демократияны салгыы тэнитии; государство уонна общество дьыалаларын салайыыга гражданнар улам ордук киэҥник кыттыылара, государственнай аппараты тупсаран иһии, общестеннай тэрилтэлэр активностарын үрдэтии, народнай хонтуруолу күүһүрдүү, государственнай уонна общественнай олох правовой төрүтүн бөҕөргөтүү, иһиттиннэрэн-биллэрэн иһиини кэҥэтии, общественнай мнениени куруутун учуоттааһын буолар.
2 глава. Экономическай система
10 ыстатыйа. Саха АССР экономическай систематын төрүтүнэн производство средстволарын государственнай бас билии (норуот бүттүүнүн бас билиитэ) уонна колхознай-кооперативнай бас билии формалардаах социалистическай бас билии буолар.
Профсоюзнай уонна да атын общественнай тэрилтэлэр устааптарыгар көрүллүбүт соруктары толороллоругар наадалаах үптэрэ-маллара эмиэ социалистическай бас билии буолар.
Государство социалистическай бас билиини харыстыыр уонна ити бас билии хаҥыы турар усулуобуйаларын үөскэтэр.
Ким даҕаны социалистическай бас билиини тус бэйэ байарыгар-тайарыгар уонна атын да ымсыы сыалларга туһанар бырааба суох.
11 ыстатыйа. Государственнай бас билии — советскай норуот бүттүүнүн уопсай баайа-дуола, социалистическай бас билии сүрүн формата. Государство соҕотоҕун эрэ бас билиитигэр бааллар: сир, сир анна, уулар, ойуурдар. Промышленноска, тутууга уонна тыа хаһаайыстыбатыгар производство сүрүн средстволара, транс
