бухатыыр киэптээх киһи мүһэ-мүһэ, түөртүү ойоҕостору аҕалан Бөтүҥнэргэ уурбутун кэннэ:
— Чэ кэлэн, хоноһолор, аһааҥ,— диэн Дыгын бэйэтинэн сүгүрүйбүт.
Бөтүҥнэр олорон аһаан бардылар. Арай биһи ааҥҥа олорон:
— Астаах буолларгыт манна аҕалан кулуҥ,— диэтэ Тиэтэйбит.
Бии ас түҥэтээччи киһи хары уҥуохтаах эти илдьэн туттарда.
Ону Тиэтэйбит ылан, илин-кэлин этин биирдиитэ быһыта хадьырайталаан баран, били уҥуоҕунан ас түҥэтээччини баска быраҕан саайда. Хары уҥуоҕа кэлэн киһи баһын хайа түһэн, киһи өлөн түстэ. Ону билэн, Дыгын хаппахчыга хаалла сытар бухатыырдаах эбит. Ол бухатыыр хаппахчытын тыаһа өрө тилигирии-тилигирии хачыгырааччы хабыранар эбит. Ону истэн Тиэтэйбит, батыйатын иҥиэччэтигэр диэри сиргэ батары анньа-анньа, хабырына-хабырына эмиэ биир муҥ буолбут.
Дьиэлээз тойон Дыгын Боотур:— Дабдык Дьалаҕай, тохтооҥ, болҕойуҥ,— диэн алҕаталаабыт.
Бөтүҥнэр эмиэ Тиэтэйбиттэрин алҕаабыттар. Онон икки бухатыыры бэрт көрдөһүүнэн тохтоттулар. Киэһэтигэр тахсан киирэ сырыттахтарына, биир киһи хоноһолорго аан аһан биэрдэ уонна Тиэтэйбит батыйатынан анньан ылан баран, били бухатыыр сытар хаппахчытыгар илдьэн бырахта, онно Дыгын хаппахчылаах бухатыыра дөксө маарыҥҥытааҕар ордук чыпчырынар тыаһа иһиллэр. Ол курдук буоларын кытта Тиэтэйбит тиийэн хаппахчыны тоҕута кэйдэ. Ону туран Дыгын быар куустан, сүгүрүйэн туран, көрдөһөн тохтотолоото.
Үс хонугу мэлдьи төһө эмэ сүөһүнү өлөрөн, сиэтэн баран, «соболоҥноро» диэн, маанылаан, сэттэ уон сылгыны биэрдэ. Уонна, бу Наахара ойуунун аны тыытымаҥ, Амма үрэх баһыгар эһигини кытта ыал ородун диэн көрдөстө.
Ону бөтүҥнэр сөбүлээтилэр. Били сылгыларын үүрэн, эмиэ Бороҕон сиринэн дойдулаабыттар. Эмиэ Бэрт Хараҕа тиийэн сылгыларын аҥарын биэрин баран, дойдуларыгар кэлэн олорбуттар.
Били Наахара ойууна, Амма баһыгар билииҥҥи Наахара нэһилиэк сиригэр олорбут.
