иһэн:— Туох үлүгэрэй! Арыылаах эбэ хотун ортотунан илбис кыыһа ыллаан киэн халлаан өрөһөтүнэн төттөрү таары битийэн ааста. Туох үлүгэрэ тураары гыннаҕай, сүгүн олорумаары гыннахпыт буолуо,— диэн кутура былаан көрүүтүн кэпсээтэ. Лампа бухатыыр:
— Айыы-кэйии! Инньэ диэн сэттээх саҥаны саҥарба, сэлээннээх тойугу туойума. Ол эбэ хотун хаптаһын быыстаабынан халбарыйдын, уллунах устата уларыйдын диэн алҕаата.
Ити итинэн ааһан, ойууннара кыыран бүтэн, бары төбүрүөннээн олорон били эттэрин сиэн, кымыстарыниһэн, көр-нар буолла.
Аһаан-сиэн бүтэн, уолаттар туран кылыйсыы, ыстаҥалаһыы тэрийэн, оонньоон бардылар.
— Кырдьаҕас, тойон убайбыт, Лампа бухатыыр, омук-өһүк буолбатаххын, бэйэ убайа буоллаҕыҥ, бу уолаттары кытта биир эмэ суол оонньуута оонньоотобун дии,— диэн Маһарах көрдөстө. Онуоха Лампа бухатыыр:
— Сөпкө этэрин эттэҕиҥ да кырдьа, бытаара быһыылаатым, ол эрээри бу инибин Тиэтэйбити үчүгэй ыччат үөскээн эрэр дииллэр, ону мин билиэхпин баҕарабын. Онон кинини кытта тустан көрүөм этэ,— диэтэ.
Бары: «Бэрт сөп»,— диэн үөрэн-көтөн туран икки бухатыыры сыгынньахтаан туһуннарардыы бэлэмнээтилэр, икки бухатыыры тустар тулаһаларын икки өттүгэр илдьэн туруортаан баран, иккиэннэригэр иккилии киһи тыстаах-баттахтаах манан биэ тириитинэн иннилэрин тиирэ тардан хаххалатан киллэртээн баран, таҥастарын төлүтэ тардан кэбиһэллэрин кытта, икки бухатыыр хапсан ылан халбарыйсыбытынан баартар. Онтон-мантан харбаһан көрөллөр да, кыырт хардааччы курдук аһарсан, сыыһа-халты харбаһан, тэбис-тэҥҥэ көрүлээтилэр. Күөс быстыҥа холоһон көрөн баран, Лампа бухатыыр эттэ:
— Чэ, түксү, хайабыт да өтөр кыайсыа суохпут. Онон обом, иним, кырдьык, үчүгэй киһи үөскээн эрэр эбит. Буутун этэ бустаҕына, холун этэ хойуннабына былыргы мин саҕа бухатыыр буолсу, — диэн уурайан туран, киһитин хайҕаата.
Аһыыллара-сииллэрэ, көрдөрө-нардара уурайан, тойон ыалларын Лампа бухатыыры атын ындыытынан эт-арыы кэһиилээн атааран кэбистилэр.
Бу ыһыах кэнниттэн куолулларынан алта кыра уолаттар илин Мил, нуотара үрэхтэригэр бултуу ба
