Бикитиэкэ диэн сиртэн ылыллыбыт
Дьоллоох айан ырыата
Эниэ күөх отун үрдүнэн
Эдэр этэрээт истэ.
Айылҕа араас киэргэлэ
Аара арыллан истэ.
Эрэйи-муҥу билбэккэ,
Эмньик, сайа5ас санаа
Сайыҥҥы мүөтүн испэхтээн,
Сайа ыллааҥ, айаннааҥ!
Эһиги үүнэр күннэргит
Уйгу дьолунан туолар.
Эһиги сайдан үүнэргит —
Ийэ дойдубут дьоло!
Эдэрдэр, барыҥ этэҥҥэ,
Күүтэр күлүмнээх сааскыт!
Сүүһүнэн атах биир тэҥҥэ
Күөххэ көрүлээн ааста.
1940
|
|
Антология иһинээҕитэ
Илья Дорофеевич Винокуров - Чаҕылҕан
Сүрүн сирэйгэ төнүн
