Иитиллибит ийэ сирдэрим
Ирэн биэрбэт чэҥ буордарынан,
Илбистээх буһук тымныытынан,
Ирбэт Муустаах муорабынан,
Итии сүрэхпит хаанынан
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ыпҕаан,
Бүгүҥҥүттэн үйэ тухары,
Олох, букатын эһиэхпит.
Дьалыардаах дьаарбаҥ туундаранан,
Дьалхааннаах тыаллаах дьааҥыбынан,
Ахсаана биллибэт күөллэрбинэн,
Алта ааттаах өрүстэрбинэн
Анда5айыа5ыҥ: фашист үөрүн,
Ааҥнаан туран алдьатыахпыт,
Ситэн туран сингнэриэхпит,
Сиэтиэхпит уотунан, ыстаалынан,
Төрдүттэн түөһэн, Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
Эргэнэ хара тыам барахсан
Эйэҥниир маһынан, отунан,
Эстибэт элбэх туулээ5инэн,
Эриэн түөстээх ырыапытынан
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
Элиэнэяиир эбэ хотунум
Эҥэр, түллэр түбэлэринэн,
Элбэх кэрэ арыыларынан,
Эрчимнээх дохсун сүүрүгүнэн
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
Абыраллаах уум балыгынан,
Ардай кумаҕым көмүһүнэн,
Аба салгыным быйаҥынан,
Аламай күнүм сырдыгынан
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
Саллыылаах хотугу түүнүнэн,
Сайын киирбэт күн күндээринэн,
Саха сирин киэҥ таһаатынан,
Саха омук өлбөт үөһүнэн
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
Адьырҕа эһэ аһыытынан,
Ала тойон тыҥыра5ынан,
Амырыын батаһым биитинэн,
Ааттаах саа бэргэн буулдьатынан
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
Хотугу норуоттар көҥүллэрин,
Хотуулаах Октябпыт олоҕун,
Ленин биэрбит муудараһын,
Партия биэрбит кырдьыгын
Чиэстээхтик көмүскүүргэ
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
Тылбыт, өйбүт, хааммыт, сүрэхпит,
Тыыммыт, күүспүт баарын тухары,
Фашистары барыыры санаан,
Бары саха тыллаах, миигинниин,
Андаҕайыаҕыҥ: фашист үөрүн,
Ааҥнаан туран алдьатыахпыт,
Ситэн туран сиҥнэриэхпит,
Сиэтиэхпит уотунан, ыстаалынан.
Төрдүттэн түөһэн,
Силиһиттэн ылҕаан,
Бүгүҥҥүттэн үйэ тухары,
Олох, букатын эһиэхпит.
