Арахсыы(Алексей Суола)

Бикитиэкэ диэн сиртэн ылыллыбыт
Перейти к навигации Перейти к поиску


Сарсын-өйүүн көрсөр киhилии,
Эн бардың… көннөрү илиигин биэрдиң…
Үгүс хонуктар уңуордарын нөңүөлүү,
Холкутук туттан ыраата аттанның.

Аймал5ана суох арахсыбат кэмтэн,
Судургу, көнө сыhыантан
Ураты ахтыл5ан, дьикти иэйии
Эймэнитэр сүрэ5и кымыстыы.

Сэгэриэм, хаһан эрэ бу манан
Эн биһи сиэттиһэн ааспыппыт,
Сүрэх ырыатынан, ыратынан
Үөрэн- көтөн да испиппит.

Санаатахха үчүгэй да эбит
Эдэр эрчиминэн күүрбүт кэммит.
Күлүм- чаҕыл ыраас санаалар
Ыһыах ыспыт бу кырдаллара.