Биһиги сүрэхпит (Чаҕылҕан)

Бикитиэкэ диэн сиртэн ылыллыбыт
Перейти к навигации Перейти к поиску

Биһиги сүрэхпит


Улуу дьол иннигэр
Уот сэрии үөһүгэр
Охсуһа сылдьааччы,
Сэрииһит сэгэрбит!

Хаан-уруу бырааттар,
Хаарыаннаах доҕоттор,
Эһигини кытары —
Биһиги сүрэхпит!

Дойдугут туһугар
Чугуйар буолумаҥ,
Биһиги эһиэхэ Бэттибэт
тирэхпит!

Хаан-уруу бырааттар,
Хаарыаннаах доҕоттор,
Эһигини кытары —
Биһиги сүрэхпит!

Күүрээннээх күннэргэ,
Түбүктээх түүннэргэ
Бигэ күүс буолуохтун
Биһиги бэлэхпит!
 
Хаан-уруу бырааттар,
Хаарыаннаах доҕоттор,
Эһигини кытары —
Биһиги сүрэхпит!

Уордаахтык охсуһуҥ!
Уот сытыы буулдьаҕыт
Өлүүлээх өттүнэн
Өстөөҕү ситиэхтин!
 
Хаан-уруу бырааттар,
Хаарыаннаах доҕоттор,
Эһигини кытары —
Биһиги сүрэхпит!


1942

Антология иһинээҕитэ

Илья Дорофеевич Винокуров - Чаҕылҕан

Сүрүн сирэйгэ төнүн