Долгунтан долгуннар (Абаҕыыныскай)

Бикитиэкэ диэн сиртэн ылыллыбыт

***


Долгунтан долгуннар
Күллүргүү күүрдүлэр,
Санааттан санаалар
Түмүллэн ыктылар...

Күөх далан оргуйан
Кытылы кырбаата.
Нохтолоох убайан
Биллиргии битийдэ.
 
Уу чуумпу муораны
Хайа туох дьалкытта?
Уук буолбут бэйэбин
Хайа туох долгутта?

Долгунтан долгуннар
Күллүргүү күүрдүлэр,
Санааттан санаалар
Түмүллэн ыктылар...