Бикитиэкэ диэн сиртэн ылыллыбыт
***
Ийэ сирим, миигин эн
Итии эйэҕэс тыллаатыҥ,
Көтөр кынат санаалаатыҥ,
Күөххэ көҥүл көччүтэн.
Үөрэ-көтө саныахтык,
Үүнэр, сайдар тускулаатыҥ,
Итии төлөн тапталлаатыҥ,
Ирэн иэйэ ыллыахтык.
Бастыҥ махтал — эйиэхэ,
Барҕардыбыт Ийэ буорбар,
Төрөппүт, ииппит норуоппар
Төлөн тыллаах эҕэрдэ!
Сирим-буорум иннигэр
Сэрииһитинэн сырыттым,
Сэрииһитинэн барыаҕым
Силлиэ түһэр күнүгэр.
|
|
