Бикитиэкэ диэн сиртэн ылыллыбыт
Ийэ сир хаары таҥынна,
Тоҥнулар күөллэр, өрүстэр.
Сайаҕас чэбдик салгыннаах
Кыһыҥҥы күннэр үүннүлэр.
Хайыһардар, салааскалар,
Халыһыйыҥ сыырдарбар:
Эһиэхэ анаан хаар түһэр,
Эһиэхэ кыһын салаллар.
Сурдурҕаччы субуруҥнаан,
Сыыдамнык сырсыҥ, хаҥкылар:
Эһиэхэ анаан соруйан,
Өрүстэр, күөллэр тоҥнулар.
Ыраас хаарга, күөлгэ киирэн,
Оҕолор, оонньооҥ-көрүлээҥ:
Эһиэхэ анаан, бу кэрэ
Кыһыҥҥы күннэр үүннүлэр.
|
|
