Кэрэ түүн кээмэйдээх чааhынан... (Иван Арбита)

Бикитиэкэ диэн сиртэн ылыллыбыт
Перейти к навигации Перейти к поиску

* * *


Хараҕым иирдэ дуу? Суох, атын -
Халлааҥҥа көтөллөр парустар -
Ол уордаах Елүөнэ суо-хатын
Аныардаах үөһүттэн паар устар.

Долгун! Биир чаас баран эрээри
Кыл тыыннаах сордонор сорунуу,
Сотору да бүтүөх эрээри
Суоhурдун - ол быстах сорунуу.

Айылҕам! Утуйан аҥаарый...
Бу сири дьиктилээх сир дииллэр,
Халлааҥҥа дьаарбайдын аҥаар ый,
Кинини дьай тыыннар сирдииллэр.

Күөх биэрэк дьэҥкэрэ түhээтин
Киэргэлгэ киэргэлин эппитэ,
Утуйбут түүлүгэр түhээтин -
Санаа5а бу курдук эппитэ:

"Дьэргэлгэн үҥкүүлүүр сирэ мин
Киэҥ кыраай бараммат баайабын,
Мин тыыннаах айылҕа сирэммин
Тырымныыр букеты баайабын".

О, чахчы, дойҕохтоох сир, бэккин.
Уус тылтан күндү таас кыhыллар,
Күн сирин киэргэлин сирбэккин,
Көстөллөр бу күөхтэр, кыhыллар.



Сүрүн сирэйгэ