Көлбөҕүрбүт көхсүбүн... (Алампа)

Бикитиэкэ диэн сиртэн ылыллыбыт

* * *



(«Уйбааныс» оонньууттан)

Көлбөҕүрбүт көхсүбүн
Күөх сайыннааҕы
. . . . . . . . . . . . . . .
Күөрэгэй чыычаах буолан
Көтөн кэлэн
Көрдөөх ырыаҕынан
Көндүөрүт даа,
Көмүс доҕоруом!..
Таҥнастыбыт санаабын
Таҥара сырдыырынааҕы
Талбарай чыычаах буолан
Тайан кэлэн
Талах үрдүгэр олорон
Талыы ырыаҕынан
Намырат даа...
Ыар санаа
Ыга баттаабытын
Ыраас халлаан
Ырыа чыычааҕа буолан
Ыксабар кэлэн
Ыллаан биэрэн
Ыраастаа даа!..

Дьокуускай


1924

Алампа

Сүрүн сирэйгэ