Бикитиэкэ диэн сиртэн ылыллыбыт
Ленин тыыннаах
Кини сытара
Кыһыл көмүс сүүһүгэр
Умуллубат уоттаах...
Траур былаахтарын
Санньыар санаа күлүктүүрэ...
Кини иннинэн ааһаллара
Сүүһүнэн советскай норуоттар,
Бары көрдүүллэрэ —
Көстүбэт сүтүктэрин...
Аан дойду үрдүнэн
Ол тымныы чуумпутугар
Партия Кытаанах,
Ыар-дьиппиэр тыллаах андаҕара,—
Ленин аспыт суолуттан
Биир илии чугуйбата —
Иһиллибитэ Амазонкаҕа,
Нилгэ, Ангараҕа...
Алдьархайдаах аһыы анныттан тахсыбыт
Тыл ньиргийэр:
—- Андаҕайабыт эйиэхэ, табаарыс Ленин,
Коммунизм туругурарын иннигэр
Тыыммытын да5аны
Харыстыахпыт суоҕа диэммит!
Билигин баараҕай олох тутуутугар
Номоҕон бэйэлээх норуот сүрэҕэ, ону
Туйаарыта туойда өлбөт мэҥэ тойугар.
Кини баара —
Сүүһүнэн сыллары нөҥүө көрбүт,
Сир-ийэ олоҕун
Сокуонун булбут:
Ким өлбөт күн өйүн,
Күлкэдийбит модун күүһүн
Норуот иннигэр биэрбит,—
Ол өлбүтүн да иһин
Өлбүт ахсааныгар киирбэт!
1946
|
|
Антология иһинээҕитэ
Илья Дорофеевич Винокуров - Чаҕылҕан
Сүрүн сирэйгэ төнүн
