Мин ханнык уоскулаҥы көрдүүрбүн (В. Потапова)

Бикитиэкэ диэн сиртэн ылыллыбыт
Хайа аакка (В. Потапова) Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]
Ким барыта бу дойдуга (В. Потапова)




Мин ханнык уоскулаҥы көрдүүрбүн,
Мин ханнык күөххэ тардыһарбын,
Билиэ суоҕа хайа да өтө көрөөччү,
Билиэ суоҕа хайа да дириҥи өйдөөччү.

Билэбин арай бэйэм биири —
Уоскулаҥы булуом суоҕа син биир:
Уматыҥ баҕардар уон сыл
Уларыйбат таптал уон уотугар,
Минньитиҥ миигин кэрэ кэпсэлинэн,
Холбооҥ мин аҥала сүрэхпин
Сүүс уон араас итэҕэл утаҕынан.
Туох да диэҥ
Күрэниэ суоҕа миигиттэн мин кистэлим —
Мин аан дойдубар андаҕарым.
Күрэниэ миигиттэн албын хойур,
Көмүскүө миигин көрбөт доҕорум,
Көнө сүрэхтээх кэрэмэс доҕорум.
Албыннатар да күммэр —
Албынныа суоҕа миигин айгыр-силик айылҕам,
Арбанар да күммэр —
Арбыа суоҕа миигин ааргы атаһым.
Албыннаатыннар, арбаатыннар,
Албаһым олох суох хайаларыгар да хардарар.