Бикитиэкэ диэн сиртэн ылыллыбыт
Чабырҕах
Мэнигийээн-мэникчээн
Мэнигийээн-мэникчээн
Мэнигийээн-мэникчээн —
Михайлов Филипчээн
Оскуолаттан тахсаатын,
Олбуор аанын ааһаатын
Ойуоккалыыр, ыһыытыыр,
Оҕолору хатыйтыыр.
Ити ыты сырыста,
Илби түһэн арахта,
Ол куосканы батыста,
Уонна хаста оҕутта,
Хаатыҥката баллайда,
Хайыһардыы хантайда.
Киэһэ тиийэн кэлбитэ,
Ийэтигэр киирбитэ:
Уолуктара нэлэстэр,
Тимэхтэрэ мэлистэр.
|
|
