Суол аартыгын алгыһа

Аартык суол кытыытыгар мааны тииккэ эбэтэр бэскэ дэлбиргэ ыйыыллар. Манна айаннаан иһэн, тохтоон, сынньанан, аартыкка бэлэх биэрэн ааһар куолу:

Суол аартыгын алгыһа

Дорҕоон айан суолун
Тойон иччитэ
Дьэһэн Турантаайы
Аартык иччитэ
Аан тарбааһын тойон,
Үтүө убайдарым,
Аналлаах бэлэхпин
Ааттаһан туран уунабын,
Айаммыт суолун
Аартыгын арыйан кулуҥ,
Сырыыбыт эрэйин
Сымнатан кулуҥ.

В.Н.Сивцев кинигэтиттэн

Булчут кинигэтэ, Бичик, 2017

---