Суол иччитин алгыһа (Н.С. Семеноваттан Павлов 1945 с. суруйуута)

Бикитиэкэ диэн сиртэн ылыллыбыт
Перейти к навигации Перейти к поиску

Суол иччитин алгыһа


Аҕыс хараҕалаах
Арҕаан айан суол,
Тоҕус хараҕалаах
Дорҕоон суол хаан иччитэ
Хатан Суодуйа
Тойон эһэкэбит!
Кытыппыт кымыһа,
Тунуйбут тунаҕа,
Араҕаспыт айхала,
Аспыт үрдэ,
Айылгыбыт бастыҥа
Ахтан-санаан
Аал уотунан айахтаан
Аһатар күммүт буолла!
Тойон эһэкэбит
Аҕыс тоҕойгор айылҕалаар,
Тоҕус тоҕойгор дьоллоор.
Урууй, урууй,
Айхал!


Н.С. Семенова, Амма оройуонун Чыамайыкы нэһилиэгэ, Захаров А.Р.-Куугун оҕонньортон истэрэ үһү

Павлов 1945 с. бэс ыйын 13 күнүгэр суруйбут

ССНК архыыба, 5 ф., 3 уоп.


Перуашева-Арылыкы кинигэтиттэн ылынылынна