Таптаабатахпын мин эйигин (В. Потапова)

←Чэ сөп, эйигин күүппэппин (В. Потапова)

Сүрүн сирэй (Хоһооннор) [[Кутурҕан Куо, Варвара Потапова|Кутурҕан Куо, Варвара Потапова]]

Эн миэхэ кимим да буолбатаххын (В. Потапова)→

Таптаабатахпын мин эйигин —
Таптыы эрэ сатаабыппын,
Таайбатахпын мин бэйэбин —
Тапталга анамматахпын...

Билбэтэх эбиппин, бадаҕа,
Олоҕум сулуһа атынын,
Ууннарбын да тиийбэт ырааҕа
Миигин умсугута аймыаҕын...

Ахтылҕан — олоҕум аргыһа,
Чуумпу ырыа — мин баарыһым,
Ол иһин истэбин сайыһа
Ааспыт улам сүтэр куолаһын...

...Баалаама дуу, эн, миигин,
Таптыыр талаана суоҕу,
Бил даа, мин дууһам кэтиирин —
Бүгүн манна суоҕу...

---