Таптаабатахпын мин эйигин —
Таптыы эрэ сатаабыппын,
Таайбатахпын мин бэйэбин —
Тапталга анамматахпын...
Билбэтэх эбиппин, бадаҕа,
Олоҕум сулуһа атынын,
Ууннарбын да тиийбэт ырааҕа
Миигин умсугута аймыаҕын...
Ахтылҕан — олоҕум аргыһа,
Чуумпу ырыа — мин баарыһым,
Ол иһин истэбин сайыһа
Ааспыт улам сүтэр куолаһын...
...Баалаама дуу, эн, миигин,
Таптыыр талаана суоҕу,
Бил даа, мин дууһам кэтиирин —
Бүгүн манна суоҕу...