Туора дойду уот халлааныгар (В. Потапова)

Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]

Туора дойду уот халлааныгар,
Доҕоруом, сүрэххин харыстаар,
Сахаҥ сирин сырдык хаарыгар
Эҕэрдэ ыытаргын умнумаар.

Мунар-тэнэр, туоххаһыйар
Санаа дьукаах киирдэҕинэ, —
Курус ырыа тылларыгар
Холбоор нарын иэйиигин.

Ол ырыаҕын мин истиэҕим,
Эн таскар хайаан да тиийиэҕим,
Халлаан сулуһун харахтанан,
Хараҥа түүлгэ сууланан.

Билиэм ахтар сүрэх ырыатын
Олох миэхэ эмиэ анаабытын,
Сырдык ыра кэрэ кэскилин
Мин эрэнэ кэтиэм билигин...