Бикитиэкэ диэн сиртэн ылыллыбыт
Түмүк хоһооннор
Оо, ардах, ардах,
Хаhан эрэ тохтуугун,
Хаhан былытынан бүрүллүбүт,
Туманнырар халлааным
Сөрүүн тыалынан
Көҕөрө халлаҕын.
Олорон истэҕим аайытын
Олоххо тардыhан иhэбин,
Дууhабын урут билбэтэх
Олохпор тапталым иэйиитэ
Талбаарытар, көстүбэт кынаттыыр.
Хас чыычаах ырыатын
Араас да от-мас суугунун
Истэрбиттэн үөрэбин
Бу дьикти музыка диибин.
Тыыннаах буолан күн сирин
Дьиктитин үллэстэрбиттэн
Оҕолуу мичийэ үөрэн
Дайан-көтөн ылабын.
Биhиги өлүөхпүт,
суох буолуохпут,
Иhиллиэ суоҕа
биhиги куоласпыт
Дьон түмсэр сиригэр
Олох күүрэр көҕүгэр.
Биhиги атахпыт
Үктэниэ суоҕа
Чэлгийэ көҕөрөр хонууга.
Үчүгэй, куhаҕан диэн
Тугу да араарбат буолуохпут.
Ол иhин олоруохха
Күн көрөр сиригэр
Үөрүөххэ, күлүөххэ,
Оонньуохха, көрүлүөххэ.
Биирдэ кэлэн ааhар,
Муҥурданар олохпутугар
Үгүhү айыахха
Кэриэстэ хаалларыахха.
Кураанах хонууга
Отону кутан эрэрдии
Ардах биир тэҥник
Курулаччы кутар.
Хараҥа былыт
Күнү сабардаат,
Дууhабын тууйар,
Санаабын ыгар
|
|
