Уустарга (Күн Дьирибинэ)
Уустарга
[уларыт]
Үлэ дьонун сынньатар
Үрүҥ түүн сирдьитэ,
Сүөгэй астыы дьэгдьитэр
Сөрүүн киэһэ эргийдэ.
Модьу илии доҕоро
Молотуогум уоскуйда.
Ходуһам хоһоонньута
Хотуур туойан уурайда.
Көйгө олох күлүүһүн
Күл-көмөр оҥорбут
Күүрээн илии күөччүтүм
Күүс ыла утуйбут.
Сырдык олох кыһата
Сынньанан лыҥкыныа,
Кыыһар тыҥ хатыыта
Кыстыктара чыҥкыныа!
от ыйа, 1928