Эн суоххар миэхэ чугаскын (В. Потапова)
Эн суоххар миэхэ чугаскын,
Мин өйбөр сөҥөн хаалбыккын,
Өрүү сырдык өҥ буолаҥҥын,
Өлбөт сырдыкка ыҥыраҥҥын.
Бэйэм да билигин билбэппин
Тоҕо эйигин эрэ кэтэспиппин,
Бу курдук өрүү соҕотоҕун
Бу олоххо устары ордордоҕум...
Баар этилэрэ атыттар,
Мин эйэбэр баҕалаахтар,
Арай эн эрэ тускар мин
Аһа суох ук кэриэтэбин...
Куотан хаалбыкка кэмсинэ,
Кэнэн майгыбын билинэ,
Көрөбүн соһуйа, ымсыыра,
Күөх долгун холкутук хамсыырын...