Якутскай куоракка (Күннүк Уурастыырап)

Бикитиэкэ диэн сиртэн ылыллыбыт

Якутскай куоратыам! Тойоттор самнаннар,
Эйиэхэ ыччатыҥ ырыабын аныыбын,
Дьоллору буомкаабыт хонуктар ааһаннар,
Эриэкэс, эгэлгэ кэмнэри саныыбын,

Эн, дьоллоох, үтүе кэм күннэрин көрсүһэн,
Соргулаах Союзка хонноҕор холбостуҥ.
Буурҕалаах буомнары нөҥүөлээн түсүһэн,
Суолталаах киэҥ айан суолугар турункуҥ.

Сүүһүнэн ахсааннаах омугум кырата
Сүбэтин холбообут былааҺа кытаатан,
Им уоттаах сырдыгыҥ иннигзр кылбаарда,
Эйиэнэ, Якутскай, сарсыҥҥыҥ улахан!

Тиҥиниир тиһилгэ собуоттар тураннар,
Тиһигэ быстыбат тыаһынан ньиргийиэҥ.
Тибийэр массыына уустуктаан уһанар
Тимирин үлэтин уоҕунан дирбийиэҥ.

Еарылыыр автобус хсйуутук орулуо,
Тирдиргии-сирдиргии, күскэйэ сүүрүөҕэ.
Бардам күүс барыылаах кыланар паровоз,
Тимиртэн тиргиитээн, күрүлүү көтүөҕэ.

Күлүккүн көрүнэр Өлүөнэҥ сүнньүнэн
Сүүһүнэн борокуот устуоҕа, сылдьыаҕа.
Күөх унаар салгыҥҥа, өрүһү үрдүнэн,
Күүгүнүү, дьирилии, кетөр аал ыллыаҕа.

Дьиэлэриҥ-уоттарыҥ хайалыы үүнэниэр,
Күлүмнүүр халлааны хаххалыыр буолуоҕуҥ.
Дьиэрэйзр ырыанан салгыҥҥын күүрэзнкээн,
Күннэри-түүннэри дьоиунан туолуоҕуҥ.

Уулуссаҥ барыта күөҕүнэн чэлгийэн,
Сүрэҕи дьэгдьитэр сытынан аҥыйыаҥ;
Ууруулаах дьапталҕа тааһынан тэлгэнэн,
Сүһүеҕү бититэн, сүүрүүнэн хаамтарыаҥ.

 
Хараҥа түүннэргэ бырааныҥ үрдүттэн
Ахсаана биллибэт уотунан сандаарыаҥ,
Хас эмэ куораттан нуомаһы түмүктээн,
Радио күүһүнэн дойдуну сабардыаҥ.

Ол курдук, Якутскай, кэнники киэбириэҥ,
Оргуйан-долгуйан, улаатан туруоҕуҥ!
Сибирдии, Ураллыы, Кавказтыы син эмиэ
Советскай Союзка тэбилик буолуоҕуҥ!

Тоһуйар дьолгуттан долгуйа үөрэммин,
Эйигин, Якутскай, ырыабар киллэрдим,
Толбонноох, көһүтэр күннэргин түһэммин,
Эҕэрдэ этэммин, уруйдуу эппэйдим.
1930