Бикитиэкэ диэн сиртэн ылыллыбыт
* * *
Саллаакка өрүү чугас
Саныыр-ахтар дойдута,
Атааран далбаатыы хаалбыт
Амарах төрөппүт ийэтэ.
Куруук чугас киниэхэҕэ
Нүөлүйэн ахтарын биллэрэр
Тиҥийэ тэбэр сүрэҕэр
Таптыыр кыыһа, сэгэрэ.
Күнтэн күн субуллар,
Биллибэккэ устар
Күүтүүлээх ол кэм
Чугаһaaтар чугаһыыр.
Арахсыаҕа кини сотору
Күргүөмнээх бу кэргэнтэн,
Араҥаччылыыр атаһыттан,
Автомат диэн доҕоруттан…
Ахтыаҕа, саныаҕа
Ыраах сылдьан кинини
Ол ааспыт күннэрин,
Умнуллубат түгэннэрин.
|
|
