Көрөрүм мин төрүөхпүттэн (В. Потапова)

Бикитиэкэ диэн сиртэн ылыллыбыт
Перейти к навигации Перейти к поиску
Суох, итэҕэйбэппин (В. Потапова) Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]
Дьоннор, дьону таптааҥ! (В. Потапова)




Көрөрүм мин төрүөхпүттэн —
Күөдьүйээт, умуллар саһарҕаны,
Сэксэйэ кырдьыбыт сибэккиттэн
Сэбирдэх тамныырын — кутурҕаны.

Иччитэх, халыҥ тыаҕа, халыйан,
Иһийбит этэ чуумпу налыйан.
Тулабар, сырдык санньыары ыһаннар,
Тураллара мааны хатыҥчааннар.

Ити курдук мин кэхтиибин
Олох бэйэтинэн кэпсиирэ...
Ол эрээри эрэнэ кэтиибин
Үүнэр күҥҥэ киһи кэрэхсиирин...