Мин да оҕо этим (В. Потапова)

Бикитиэкэ диэн сиртэн ылыллыбыт
Аҕаа, кэпсээ дуу миэхэ (В. Потапова) Сүрүн сирэй
(Хоһооннор)
[[|ааптар]]
Туллуктар (В. Потапова)




Мин да оҕо этим,
Мин да билбитим
Аҕа, ийэ тапталын
Атаахтатар аналын.

Ол да сотору суох буолбута,
Сир ийэ хоонньугар уктубута.

Арай, дьиэ үрүгэн ыта
Миигин кытары хаалбыта,
Оргууй кинини тарыырым —
Оччоҕо атахпын салыыра!

Кэлин мин улааппытым,
Ыраах-ыраах барбытым,
Ырыган ытым, сайыһа,
Көрөн хаалбыта санньыйа.

Умнубутум мин дьиэбин,
Эрэллээх ыт дьүөгэбин,
Сиҥнибит үһү дьиэм өһүөтэ,
Ырааппыт ытым өлбүтэ...