Хаһан эрэ мунчаара (Катяҕа) (В. Потапова)

Бикитиэкэ диэн сиртэн ылыллыбыт
Ол аата... (В. Потапова) Сүрүн сирэй
(Хоһооннор)
[[Кутурҕан Куо, Варвара Потапова|Кутурҕан Куо, Варвара Потапова]]
Зояҕа, Розаҕа (В. Потапова)




                                               Катяҕа

Хаһан эрэ мунчаара
Өйдөөн сэмээр ааһаар,
Эдэр сааһын түннүгүнэн
Көстөн ааспыт күлүкпүн.

Баҕарабын сырдык санньыар
Ол кэмҥэ уоскун сылытыан,
Холус санаалар мөккүөрдэринэн,
Айдааннаах олохпут мөссүөнүнэн.

Туох билиэй, баҕар,
Мин суох да буолуом,
Ол да буоллар, саатар,
Эн санаар, доҕоруом —

Хайдах биһиги күҥҥэ
Уончата кыыһырсарбытын,
Уонна, эмиэ сол түгэҥҥэ
Бэйэ-бэйэбит саргытын
Самныбатыгар эрэлбитин
Таҥара оҥостон үҥэрбитин.

Уонна, уонна, өйдөөр, бука,
Уоттаах таптал туһугар
Күлүмнүүр күннээх бакаал
Ыраас санаабыт хоһугар!..