Бикитиэкэ диэн сиртэн ылыллыбыт
Өйдөөтүм
Өйдөөтүм сайыҥҥы киэһэҕэ
Санаабыт аһыллар үөрүүтүн,
Ардыгар кэпсэтии тиһэҕэр
Тайсымна тарҕаһар өлүүтүн.
Өйдөөтүм киэһээҥҥи халааммар
Быһыттар былытым кыыспытын,
Сүүрүктээх үрүччэ хамсаамна
Халыйан сынньана сыппытын.
Өйдөөтүм биһиги биир киэһэ
Биэрэги кэрийэ бааппытын,
Минньигэс чуумпуну бэккиһээн
Сир дьолун уруйдуур чааспытын.
Өйдөөтүм этиҥнээх самыырга
Эн дьиэҕэр хойутаан хаалбыппын,
Эн тылгын, эн хаста хамныыргын
Өйдөөтүм бу хоспор баар курдук.
Өйдөөтүм санаабын билимнэ
Биир кэмҥэ саарбахтаан ылбыккын,
Өйдөөтүм ол киэһэ кэлэҥҥин
Эппиккин төннөрөн барбыккын.
11.11.1936
|
|
