Оо, эн ырааххын мин туспар,
Эн олох да суоххун мин таспар...
Таайбаккын дии, эн, быһыыта,
Тапталы мин маҥнай билбиппин,
Соһуйбут сүрэхпин уоскута,
“Эйиигин, бука, умнуом ”— диэбиппин...
Өйдүүрүҥ эбитэ буолуо дуу,
Өйбүн-сүрэхпин тэҥҥэ сүүйбүккүн,
Ол эбэтэр, баҕар, буруйдуу,
Умнуоҥ мин тымныы күлүкпүн?
Бил даа эйиигин саныырбын,
Эн ааккынан алгыырбын —
Тиит намчы мутукчатын,
Харыйа күөх чуумпутун...