Туох буолуой, доҕоччуок (В. Потапова)

Туох буолуой, доҕоччуок,
Таптал манна суоҕа...
Бэйэ-бэйэни өйдөһүөх,
Ыраах ааспыты ахтыһыах...
Кэл, олоро түс, кэпсэтиэх
Дорҕооно суох тылларынан,
Сулус утуйарын кэтэһиэх
Түүнү уулуур харахпытынан.
Саҥаны арыйыы буоллаҕай —
Солун аакка абылатыы,
Ханнык талыы тапталга суоҕай —
Бэйэ-бэйэни былдьатыы...
Ол эрэн, чэ, кэбис,
Уһуктууттан куотабын,
Утуйбут мин дууһабын
Уйгуурдума, бар, таҕыс.
Халлааҥҥа хараҥа
Сабардаабыт,
Ханна эрэ ол аата
Сырдаабыт...
.