Уулуссанан ааһар уолттар, кыргыттар (В. Потапова)
Уулуссанан ааһар уолттар, кыргыттар
Умуллубат уоттаах чоҕул харахтарыгар
Булан үөрэбин бэйэбэр умуллубаты.
Кинилэр хаҥыл таһааларыттан,
Килбиэн кэрэ ньуурдарыттан
Кэҥии сырдыыр килбик дууһам.
Оччоҕо таайабын — бу оҕолор —
Сирдээҕи күннэр,
мин күүтэр аргыстарым.
Мин тулабар уматаллар сааскы ыралары,
Бэлэхтииллэр киирбэт күннээх киэһэлэри.
Кууһуохпун баҕарабын оччоҕо кинилэри
Кустук дьэрэкээн өҥүн сараадытан.
Үрдүөхпүн баҕарабын кинилэртэн тирэнэн
Күн сырдыгын кинилэртэн иҥэринэн!