Үчүгэйиэн бу Сиргэ (В. Потапова)
Үчүгэйиэн бу Сиргэ
Үөрэ-көтө сылдьар,
Үгүс дьоннуун сэргэ
Олох дьолун сырсар!
Билбэт уолан киһим,
Көрсө түһээт, мичээрдиир,
“Күннээх халлаан” иһин
Сибэккини бэлэхтиир.
Оргууй хааман иһэбин,
Суоҕу — баар дии саныыбын...
Дьоллоох дьонтон үөрэбин,
Дьоһуна суох ыллыыбын.
Ырыа тылын тулабар
Массыыналар ыһаллар,
Былыргылыы алгыылар,
Бастыҥ тылы айаллар.
Үчүгэйиэн бу Сиргэ
Үөрэ-көтө сылдьар,
Үгүс дьоннуун сэргэ
Олох дьолун сырсар!